Qazaqstan Respýblıkasy Ishki ister mınıstrliginiń buıryǵy  №152 

2015 jylǵy 25 aqpanAstana qalasy Qazaqstan Respýblıkasynyń Ulttyq ulanynda áskerı qyzmet ótkerý nusqaýlyǵyn eskerý týraly «Qazaqstan Respýblıkasynyń Ulttyq ulany týraly» 2015 jylǵy 10 qańtardaǵy Qazaqstan Respýblıkasy Zańynyń 12-babynyń 11) tarmaqshasyna sáıkes buıyramyn: 1. Qosa berilip otyrǵan Qazaqstan Respýblıkasynyń Ulttyq ulanynda áskerı qyzmet ótkerý nusqaýlyǵy bekitilsin. 2. Qazaqstan Respýblıkasy Ulttyq ulanynyń Bas qolbasshylyǵy (R.F. Jaqsylyqov) zańnamada belgilengen tártippen: 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryqty memlekettik tirkelgennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa joldaýdy; 3) osy buıryqty Qazaqstan Respýblıkasy Ishki ister mınıstrliginiń ınternet-resýrsynda ornalastyrýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasy Ulttyq ulanynyń Bas qolbasshylyǵyna (R.F. Jaqsylyqov) júktelsin. 4. Osy buıryq alǵash resmı jarııalanǵannan keıin kúntizbelik on kún ótken soń qoldanysqa engiziledi. Mınıstr polısııa general-leıtenanty Q. QASYMOV. Qazaqstan Respýblıkasy Ishki ister mınıstriniń 2015 jylǵy 25 aqpandaǵy № 152 buıryǵymen bekitilgen Qazaqstan Respýblıkasynyń Ulttyq ulanynda áskerı qyzmet ótkerý nusqaýlyǵy 1. Jalpy erejeler Osy Qazaqstan Respýblıkasynyń Ulttyq ulanynda áskerı qyzmet ótkerý nusqaýlyǵy (budan ári – Nusqaýlyq) Qazaqstan Respýblıkasynyń Ulttyq ulanyndaǵy áskerı laýazymdardy jasaqtaýǵa, beıbit ýaqytta laýazymdarǵa taǵaıyndaýǵa jáne qyzmet boıynsha aýystyrýǵa, áskerı ataqtar berýge, demalystar berýge jáne Qazaqstan Respýblıkasy Ulttyq ulanynyń áskerı qyzmetshilerin jumystan shyǵarýǵa qatysty áskerı qyzmet týraly zańnamany qoldanýdy naqtylaıdy. Nusqaýlyq «Qazaqstan Respýblıkasynyń Ulttyq ulany týraly» 2015 jylǵy 10 qańtardaǵy Qazaqstan Respýblıkasynyń Zańyna jáne Qazaqstan Respýblıkasy Prezıdentiniń 2006 jylǵy 25 mamyrdaǵy №124 Jarlyǵymen bekitilgen Qazaqstan Respýblıkasynyń Qarýly Kúshterinde, basqa da áskerleri men áskerı quralymdarynda áskerı qyzmet ótkerý qaǵıdalaryna (budan ári – Qaǵıdalar) sáıkes ázirlendi. 2. Qazaqstan Respýblıkasynyń Ulttyq ulanyna kelisimshart boıynsha áskerı qyzmetke kirý úshin kandıdattardy irikteý jáne zerdeleý tártibi 1. Ofıserler, serjanttar men sarbazdar quramdarynyń áskerı laýazymdaryna kelisimshart boıynsha áskerı qyzmetke qabyldaý úshin kandıdattardy irikteýdi jáne zerdeleýdi óńirlik qolbasshylyqtardyń kadr qyzmetteri, áskerı bólimderdiń (Áskerı ınstıtýt) jáne Qazaqstan Respýblıkasy Ulttyq ulan Bas Qolbasshylyǵynyń (budan ári – UUBQ) komandırleri júzege asyrady. 2. Kandıdattardyń ótinish berý ýaqyty men kúnderi, sondaı-aq qujattardyń qajetti tizbesi, dene shynyqtyrý daıarlyǵy boıynsha normatıvter, kandıdattarǵa qoıylatyn biliktilik jáne basqa da talaptar baqylaý-ótkizý pýnktindegi (budan ári – BО́P) aqparat taqtasynda kórsetiledi. 3. Áskerı qyzmetke kandıdattar laýazymdy adamnyń ilesip júrýimen belgilengen ýaqytta áskerı bólimniń kadr bólinisine keledi. Kadr qyzmeti nemese kadr máseleleri jónindegi laýazymdy adam kandıdattarǵa kelisimshart boıynsha áskerı qyzmetke qabyldaý, onyń ishinde dene shynyqtyrý daıarlyǵy boıynsha normatıvterdi tapsyrý tártibin jáne áskerı-dárigerlik komıssııalarda medısınalyq kýálandyrýdyń qajettiligi týraly túsindiredi. Bos laýazymǵa kandıdatqa osy Nusqaýlyqqa 1-qosymshaǵa sáıkes kelisimshart boıynsha áskerı qyzmet ótkerýge nıet bildirgen adamdar usynalatyn qujattar tizbesi beriledi. 4. Qujattardyń tolyq tizbesi usynylǵannan keıin kandıdat osy Nusqaýlyqqa 2-qosymshaǵa sáıkes bos laýazymǵa belgilengen úlgidegi baıanat (ótinish) toltyrady. Baıanat (ótinish) Qazaqstan Respýblıkasynyń zańnamasyna sáıkes tirkelýi tıis. 5. Budan keıin kadr qyzmeti nemese kadr máseleleri jónindegi laýazymdy adam qol qoıǵyza otyryp, kandıdatqa ol áskerı qyzmet ótkerýi boljanatyn bólinistiń komandırimen aldyn ala áńgimelesý ótkizý kúni týraly habarlaıdy. 6. Kadr qyzmeti nemese kadr máseleleri jónindegi laýazymdy adam kandıdat týraly aqparatty áskerı polısııa qyzmetine joldaıdy, sondaı-aq arnaıy tekseristi júrgizý úshin Qazaqstan Respýblıkasy Prezıdentiniń 1997 jylǵy 26 mamyrdaǵy № 3533q Jarlyǵymen bekitilgen «Qazaqstan Respýblıkasynda memlekettik qyzmetke qabyldanatyn azamattardy mindetti arnaıy tekserý jónindegi nusqaýlyqqa» sáıkes qujattardy resimdeıdi. 7. Bos laýazymy bar bólinistiń komandıri kandıdatpen aldyna ala áńgimelesý júrgizedi jáne onyń nátıjeleri boıynsha osy Nusqaýlyqqa 3-qosymshaǵa sáıkes nysan boıynsha áskerı qyzmetke qabyldaý týraly qorytyndynyń birinshi bólimin toltyrady. Aldyn ala áńgimelesý prosesinde bólinis komandıri kandıdattyń kásibı daıarlyǵy deńgeıin, bos laýazym boıynsha tıisti qyzmet salasy boıynsha biliminiń bar-joǵyn anyqtaıdy, sondaı-aq bos laýazym boıynsha áskerı qyzmet sıpatyn túsindiredi. 8. Kadr qyzmeti nemese kadr máseleleri jónindegi laýazymdy adam kandıdattyń «Áskerı qyzmet jáne áskerı qyzmetshilerdiń mártebesi týraly» 2012 jylǵy 16 aqpandaǵy Qazaqstan Respýblıkasy Zańynyń 38-babynda kózdelgen talaptarǵa sáıkestigin tekseredi. Ol úshin Qazaqstan Respýblıkasy Bas prokýratýrasy janyndaǵy Quqyqtyq statıstıka jáne arnaıy esepke alý komıtetine suraý salýlar joldaıdy. 9. Kadr qyzmeti nemese kadr máseleleri jónindegi laýazymdy adam kandıdatqa qol qoıǵyza otyryp, bólim komandıriniń (bastyǵynyń) qolymen bos laýazymdy kórsete otyryp, áskerı-dárigerlik komıssııaǵa medısınalyq kýálandyrý úshin joldama beredi. Medısınalyq kýálandyrý nátıjeleri osy Nusqaýlyqqa 3-qosymshaǵa sáıkes áskerı qyzmetke qabyldaý týraly qorytyndynyń úshinshi bóliminde kórsetiledi. 10. Zerdeleýdiń qorytyndy nátıjeleri áskerı qyzmetke qabyldaý týraly qorytyndynyń tórtinshi bóliminde jazylady, onda zerdeleýdi kim júrgizgeni, kandıdattyń aldaǵy jumysy úshin qajetti qabiletterdiń qaısysyn kórsetkeni jáne kandıdatty sol nemese ózge laýazymǵa paıdalaný múmkindigi nemese múmkin emestigi týraly qorytyndy, sondaı-aq kandıdatty jáne onyń jeke erekshelikterin sıpattaıtyn málimetter kórsetiledi. 11. Kandıdatty zerdeleý aıaqtalǵannan keıin áskerı qyzmetke qabyldaý týraly toltyrylǵan qorytyndy kadr bólinisine nemese kadr máseleleri jónindegi laýazymdy adamǵa kandıdattyń jeke isi materıaldaryn odan ári rásimdeý úshin joldanady. 12. Áskerı qyzmetke qabyldaý týraly qorytyndy kandıdattyń áskerı qyzmet ótkerýi boljanatyn áskerı bólim komandıriniń (bastyǵynyń) jetekshilik etetin orynbasarymen kelisiledi jáne ony laýazymǵa taǵaıyndaý quqyǵy bar áskerı bólim komandıri (bastyǵy) bekitedi. 13. Áskerı-dárigerlik komıssııadan ótý nátıjeleri boıynsha kandıdat «Qazaqstan Respýblıkasy IIM Ishki áskerlerinde dene shynyqtyrý daıarlyǵy boıynsha normatıvterdi júrgizý týraly» Qazaqstan Respýblıkasy Ishki ister mınıstriniń 2012 jylǵy 23 shildedegi № 412 buıryǵyna sáıkes dene shynyqtyrý daıarlyǵy boıynsha normatıvterdi tapsyrady. Bólimniń dene shynyqtyrý jáne sport bastyǵy (Búrkit arnaıy maqsattaǵy bólinisiniń komandıri) baǵalary bar baǵalaý vedomosyn kadr qyzmetine nemese kadr máseleleri jónindegi laýazymdy adamǵa usynady. 14. Kandıdattardy irikteýdi irikteý komıssııasy sottalǵandyǵyn anyqtaıtyn talaptardyń (suraý salý) nátıjeleri, áskerı-dárigerlik komıssııa jáne dene shynyqtyrý daıarlyǵy boıynsha normatıvterdi tapsyrý qorytyndylary kelip túskennen keıin júrgizedi. 15. Quramynda tóraǵa, hatshy (kadr bólinisiniń ókili) jáne keminde úsh adamnan turatyn komıssııa músheleri kiretin irikteý komıssııasyn áskerı bólimniń komandıri qurady jáne bekitedi. 16. Irikteý komıssııasy kásibı jáne psıhologııalyq nátıjeleriniń derekteri negizinde naqty laýazymdy atqarý úshin kandıdattyń biliminiń ony taǵaıyndaý kózdeletin áskerı laýazymnyń áskerı-eseptik mamandyǵyna, kandıdattyń dene shynyqtyrý daıarlyǵy men kásibı jaramdylyǵy sáıkes kelýin tekseredi. 17. Irikteý komıssııalary kandıdattardy kelisimshart boıynsha áskerı qyzmet ótkerý úshin irikteý kezinde kandıdattarmen áńgimelesý ótkizedi, kandıdattardyń kadr bólinisi usynǵan jeke isterin jáne qosymsha materıaldaryn zerdeleıdi, sondaı-aq irikteýge qatysqan kandıdattardy áskerı qyzmetke qabyldaýdyń maqsatqa saı bolýy nemese bas tartý sebebin negizdeme bere otyryp, olardy qabyldaýdan bas tartý týraly sheshim qabyldaıdy. Sheshim irikteý komıssııasy otyrysynyń hattamasymen resimdeledi, ony osy Nuqsaýlyqqa 4-qosymshaǵa sáıkes bólim komandıri bekitedi. Bas tartý sebebin kórsete otyryp, kelisimshart boıynsha áskerı qyzmetke qabyldaýdan bas tartý kandıdattarǵa qol qoıǵyza otyryp, jazbasha túrde beriledi. 18. Irikteý komıssııasynyń bekitilgen qorytyndysy negizinde kadr bólinisi áskerı qyzmet ótkerý týraly kelisimshart resimdeıdi jáne kandıdat pen bólim komandırine (ınstıtýt bastyǵyna) qol qoıǵyzady. Budan keıin bólim komandıri (bastyq) kelisimshart boıynsha áskerı qyzmetke qabyldaý týraly buıryq shyǵarady. Jeke quram boıynsha buıryqtyń negizinde kandıdat bólimniń jeke quram tizimine tirkeledi jáne laýazymyn atqarýǵa jiberiledi. 19. Jeke quram boıynsha buıryq shyǵarylǵannan keıin úzindi áskerı esepte turǵan jeri boıynsha jergilikti áskerı basqarý organynyń (budan ári - JÁBO) bastyǵyna áskerı esepten shyǵarý úshin joldanady. Sonymen qatar zapasta turmaǵan adamǵa áskerı bılet berý týraly suraý salý joldanady. 3. Áskerı qyzmetshilerdi áskerı laýazymdarǵa taǵaıyndaý jáne aýystyrý tártibi 20. Áskerı qyzmetshilerdi shtattyq laýazymdarǵa olardyń tikeleı bastyqtary Qazaqstan Respýblıkasy Ulttyq ulanynyń laýazymdar nomenklatýrasyna sáıkes taǵaıyndaıdy. 21. Ofıserler quramynyń adamdaryn áskerı laýazymdarǵa taǵaıyndaý jeke batalon komandırinen bastap joǵary tikeleı bastyqtardyń usynymy boıynsha júrgiziledi. 22. Laýazymdarǵa taǵaıyndaýǵa arnalǵan usynymdar jetekshilik etetin kadr bólinisteri arqyly tikeleı bastyqtarǵa joldanady. 23. Sarbazdar men serjanttar quramynyń adamdaryn áskerı laýazymdarǵa taǵaıyndaý Qazaqstan Respýblıkasy Úkimetiniń 2006 jylǵy 17 tamyzdaǵy № 777 qaýlysymen bekitilgen úlgi nysanǵa sáıkes rota komandırinen bastap joǵary tikeleı bastyqtardyń usynymy boıynsha (áskerı qyzmetke qabyldaý kezinde usynym resimdelmeıdi) júrgiziledi. 24. Ofıserler quramynyń adamdaryn Qazaqstan Respýblıkasy Ulttyq ulanynyń Bas qolbasshysy nomenklatýrasynyń laýazymdaryna taǵaıyndaýǵa arnalǵan usynymdar, sondaı-aq basqa da qujattar sheshim qabyldaý úshin UUBQ Kadr jáne áskerı bilim basqarmasyna joldanady. 25. Ofıserler quramynyń adamdaryn óńirlik qolbasshylyq qolbasshysy nomenklatýrasynyń laýazymdaryna taǵaıyndaýǵa arnalǵan usynymdar, sondaı-aq basqa da qujattar sheshim qabyldaý úshin Qazaqstan Respýblıkasy Ulttyq Ulanynyń laýazymdar nomenklatýrasyna sáıkes óńirlik qolbasshylyqtardyń kadr bólimderine joldanady. 26. Qazaqstan Respýblıkasy Ulttyq ulany Bas qolbasshysynyń buıryqtarymen taǵaıyndalatyn óńirlik qolbasshylyqtardyń serjanttary laýazymdaryna taǵaıyndaýǵa arnalǵan usynymdar sheshimdi resimdeý úshin UUBQ Uıymdastyrý-jumyldyrý basqarmasyna joldanady. О́ńirlik qolbasshylyq qolbasshylarynyń buıryqtarymen taǵaıyndalatyn áskerı bólimderdiń serjanttary laýazymdaryna taǵaıyndaýǵa arnalǵan usynymdar sheshimdi resimdeý úshin óńirlik qolbasshylyqtardyń uıymdastyrý jáne jasaqtaý bólimderine joldanady. О́ńirlik qolbasshylyqtar men áskerı bólimderdiń serjanttaryn taǵaıyndaý Qazaqstan Respýblıkasy Ulttyq ulanynyń Bas serjantymen kelise otyryp, Qazaqstan Respýblıkasy Ulttyq ulanynyń laýazymdar nomenklatýrasyna sáıkes júrgiziledi. 27. Usynymdar UUBQ (bas) basqarmalarynyń (derbes bólimder) múddeli bastyqtarymen, sondaı-aq Qazaqstan Respýblıkasy Ulttyq ulany Bas qolbasshysynyń tıisti qyzmetterge jetekshilik etetin orynbasarlarymen kelisilýi tıis. 28. Komandırler (bastyqtar) ofıserler quramynyń adamdaryn laýazymdarǵa taǵaıyndaýǵa usynady jáne usynymdar (baıanattar, aýystyrý josparlary) boıynsha áskerı qyzmetshilerdiń attestasııasyn eskere otyryp, sondaı-aq konkýrstyq irikteý, kýrstyq daıarlyqtan nemese taǵylymdamadan ótý nátıjeleri boıynsha qorytyndy beredi. 29. Áskerı laýazymdardyń shtattyq ataýy ózgergen kezde (shtattyq-laýazymdyq sanattary ózgermeı) Qazaqstan Respýblıkasy Ulttyq ulany Bas qolbasshysynyń 2015 jylǵy 16 aqpandaǵy № 60 buıryǵymen bekitilgen Qazaqstan Respýblıkasy Ulttyq ulanynyń ofıserlerimen kelisimshart jasasý, olardy kelisimshart boıynsha áskerı qyzmetke qabyldaý, áskerı laýazymdarǵa taǵaıyndaý, aýystyrý, shyǵarý týraly, sondaı-aq olarǵa áskerı ataqtar berý, alyp tastaý jáne aýystyrý tártibimen Qazaqstan Respýblıkasynyń Ulttyq ulanyna kelisimshart boıynsha áskerı qyzmetke kirgen arnaıy memlekettik organdardyń jáne quqyq qorǵaý organdarynyń qyzmetkerlerine qaıta attestattaý tártibimen áskerı ataǵyn berý týraly jeke quram boıynsha buıryqtardy shyǵarýǵa quqyǵy bar laýazymdy adamdar tizbesine (budan ári - Tizbe) sáıkes jańa áskerı laýazymdarǵa qaıta taǵaıyndaý júzege asyrylady. Áskerı bólimniń nómiri nemese ataýy ózgergen kezde de áskerı qyzmetshilerdi qaıta taǵaıyndaý osy tártippen júrgiziledi. 30. Ofıserler quramynyń bos laýazymdaryna joǵary bilimi bar bolǵan kezde áskerı qyzmetshilerdi kelisimshart boıynsha ýaqytsha taǵaıyndaýǵa bolady. 31. Ofıserler quramynyń laýazymdaryna kelisimshart boıynsha áskerı qyzmetshilerdi ýaqytsha taǵaıyndaý – Laýazymdy adamdar tizbesine, al azamattyq qyzmetshilerdi taǵaıyndaý – Qazaqstan Respýblıkasy Ulttyq ulany Bas qolbasshysynyń, óńirlik qolbasshylyq qolbasshylarynyń, áskerı bólim komandırleriniń, Áskerı ınstıtýty bastyǵynyń saptyq bólim boıynsha buıryqtaryna sáıkes júrgiziledi. 32. Ofıserler quramynyń bos laýazymdaryna joǵary bilimi jáne tıisti áskerı mamandyq salasy boıynsha uqsas mamandyǵy, sondaı-aq osy mamandyq boıynsha jumys tájirıbesi bar qyzmetshilerdi (zapastaǵy nemese otstavkadaǵy ofıserler, azamattyq personal adamdary) taǵaıyndaýǵa (eger shtatta kózdelse) bolady. 33. Sarbazdar men serjanttar quramyndaǵy kelisimshart boıynsha áskerı qyzmetshilerdiń bos laýazymdaryna merzimdi qyzmettegi áskerı qyzmetshilerdi nemese qyzmetshilerdi (azamattyq personal, onyń ishinde zapastaǵy nemese otstavkadaǵy áskerı mindettiler, joǵary nemese orta-arnaıy bilimi bar áskerı mindettiler) «Qazaqstan Respýblıkasy Ishki ister mınıstrliginiń Ishki áskerleri jáne áskerı-tergeý bólinisteri áskerı qyzmetshileriniń áskerı-eseptik mamandyqtary, shtattyq laýazymdary jáne tarıftik sanattary tizbelerin bekitý týraly» Qazaqstan Respýblıkasy Ishki ister mınıstriniń 2013 jylǵy 29 sáýirdegi № 26 qbpú buıryǵymen bekitilgen tizbege sáıkes taǵaıyndaýǵa bolady. Áskerı qyzmetshi ýaqytsha bolmaǵan (júktiligi jáne bala týýy boıynsha demalys) jaǵdaıda sarbazdar men serjanttar quramyndaǵy kelisimshart boıynsha áskerı qyzmetshilerdiń bos emes laýazymdaryna qyzmetshilerdi (azamattyq personal, onyń ishinde zapastaǵy nemese otstavkadaǵy áskerı mindettiler jáne joǵary nemese orta-arnaıy bilimi bar áskerı mindettiler) «Qazaqstan Respýblıkasy Ishki ister mınıstrliginiń Ishki áskerleri jáne áskerı-tergeý bólinisteri áskerı qyzmetshileriniń áskerı-eseptik mamandyqtary, shtattyq laýazymdary jáne tarıftik sanattary tizbelerin bekitý týraly» Qazaqstan Respýblıkasy Ishki ister mınıstriniń 2013 jylǵy 29 sáýirdegi № 26 qbpú buıryǵymen bekitilgen tizbege sáıkes taǵaıyndaýǵa bolady. 34. О́ńirlik qolbasshylyqtardyń (quramalardyń) kadr bólinisterinde jyl saıyn oqý jylynyń sońynda 5 qańtarǵa qol jetkizgen nátıjelerdi jáne áskerı tártiptiń jaı-kúıin eskere otyryp, aldaǵy jyly joǵary turǵan laýazymdarǵa jyljytý jáne oqýǵa jiberý úshin ofıserler quramynyń rezervi qurylady. Bul rette rezervke tirkelgen ár ofısermen naqty laýazymǵa nemese oqýǵa túsýge daıyndyq boıynsha qandaı jumys júrgiziletini aıqyndalady. 35. Rezervke tirkelgen adamdardy qyzmet boıynsha teń laýazymdarǵa aýystyrý kezinde tıisti tikeleı bastyqtyń sheshimi boıynsha qyzmettik minezdemelerde olardyń burynǵy qyzmet orny boıynsha rezervte turǵany týraly kórsetiledi. 36. Ofıserler quramynyń adamdaryn tómen laýazymdarǵa aýystyrýdy Laýazymdy adamdar tizbesine sáıkes osy quqyq berilgen bastyqtar attestattaý komıssııasynyń qaraýynan soń júrgizedi. 37. Ofıserler quramynyń adamdaryn laýazymdy oryndaýdan shettetý saptyq bólim boıynsha buıryqpen júzege asyrylǵan jaǵdaıda ony atqaratyn laýazymynan bosatý keıinnen tıisti komandırdiń (bastyqtyń) qaramaǵyna tirkep, jeke quram boıynsha buıryqpen júrgiziledi. 38. Laýazymdardy ýaqytsha atqaratyn adamdar osy laýazymdarǵa taǵaıyndalǵan áskerı qyzmetshiler nemese demalystan, issapardan jáne t.b. kelgen áskerı qyzmetshiler áskerı bólimge kelgen kezde bul mindetterdi atqarýdan bosatylady. 39. Qazaqstan Respýblıkasy Ishki ister mınıstriniń 2014 jylǵy 30 shildedegi № 483 buıryǵymen bekitilgen «Qazaqstan Respýblıkasy Ulttyq ulany úshin joǵary áskerı bilimniń kásibı oqý baǵdarlamalaryn iske asyratyn joǵary áskerı oqý oryndaryna qabyldaý qaǵıdalaryna» sáıkes áskerı qyzmetshilerdi basqa memleketterdiń áskerı oqý mekemeleriniń kýrsanttary (tyńdaýshylary) retinde tirkeý Qazaqstan Respýblıkasy Ulttyq ulany jeke quramynyń tizimderinde qaldyra otyryp, UUBQ emtıhan qabyldaý komıssııasynyń usynymy boıynsha Bas qolbasshynyń buıryqtarymen júzege asyrylady. 40. Áskerı oqý ornyn aıaqtaǵan soń, bitirýshi (ofıser) Qazaqstan Respýblıkasy Ulttyq ulany Bas qolbasshysynyń buıryǵymen laýazymǵa taǵaıyndalady nemese tıisti komandırdiń (bastyqtyń) qaramaǵyna tirkeledi. 41. Qaramaǵynda bolý merzimine áskerı qyzmetshiniń emdelý jáne eńbek demalysynda bolý ýaqyty, onyń ishinde qaramaǵynda bolý kezeńinde aýyrǵan áskerı qyzmetshiler úshin de eseptelmeıdi. 42. Kelisimshart boıynsha áskerı qyzmetshiler kelisimshart merzimi aıaqtalǵan soń (óz nıeti boıynsha jáne bos laýazymdar bolǵan jaǵdaıda) Qazaqstan Respýblıkasynyń basqa óńirlerinde ornalasqan áskerı bólimderdiń áskerı laýazymyna taǵaıyndalady. 43. Áskerı qyzmetshi aldyn ala 2 aıǵa deıin baıanatpen kelisimshart merzimi aıaqtalǵanǵa deıin qyzmet orny boıynsha ótinish bildiredi. Bólim komandıri sheshim qabyldaǵannan jáne áskerı qyzmetshiniń jańa qyzmet orny retinde tańdalǵan bólimniń qolbasshylyǵymen jazbasha kelisilgen soń, kadr bólinisi áskerı qyzmetshini basqa áskerı bólimge taǵaıyndaý úshin qujat resimdeıdi jáne joldaıdy. 44. Kelisimshart boıynsha áskerı qyzmetshilerdi otbasy jaǵdaıy boıynsha, áskerı qyzmetshiniń nemese onyń otbasy músheleriniń densaýlyq jaǵdaıy boıynsha jańa qyzmet ornyna aýystyrý odan ári qyzmet ótkerý úshin tańdalǵan áskerı bólimde bos laýazymdar bolǵan jaǵdaıda júrgiziledi. 45. Kelisimshart boıynsha áskerı qyzmetshilerdi óńirlik qolbasshylyqtar, Áskerı ınstıtýt, tikeleı baǵynysty bólimder arasynda tıisti komandırlerdiń (bastyqtardyń) qoldaýhaty boıynsha aýystyrý Qazaqstan Respýblıkasy Ulttyq ulany Bas qolbasshysynyń jeke quram boıynsha buıryqtarymen júrgiziledi. 46. Ofıserler quramynyń adamdaryn, kelisimshart boıynsha áskerı qyzmetshilerdi Qazaqstan Respýblıkasynyń Ulttyq ulanynan áskerı qyzmet kózdelgen basqa memlekettik organdarǵa aýystyrý jáne áskerı qyzmetshilerdi (qyzmetkerlerdi) basqa quqyq qorǵaý jáne arnaıy organdardan, Qazaqstan Respýblıkasynyń Qarýly Kúshterinen, basqa da áskerleri men áskerı quralymdarynan Qazaqstan Respýblıkasynyń Ulttyq ulanyna kelisimshart boıynsha áskerı qyzmetke aıqyndaý Qazaqstan Respýblıkasy Ishki ister mınıstrliginiń nemese Bas qolbasshynyń jeke quram boıynsha buıryqtarymen Qazaqstan Respýblıkasy Ulttyq ulany laýazymdarynyń nomenklatýrasyna sáıkes júrgiziledi. 47. Ofıserler quramynyń adamdaryn jáne kelisimshart boıynsha áskerı qyzmetshilerdi Ulttyq ulannan áskerı qyzmet kózdelgen basqa memlekettik organdarǵa jáne keri aýystyrý osy memlekettik organdardyń birinshi basshylarynyń kelisimi boıynsha júzege asyrylady. 48. Aýystyrý kezinde Qazaqstan Respýblıkasynyń Ulttyq ulany ofıserler quramynyń jeke isteri osy Nusqaýlyqqa 5-qosymshaǵa sáıkes jeke isterdi arnaıy esepke alý kitaptarynda esepke alynady. 4. Áskerı qyzmette bolýdyń shekti jasyna tolǵan áskerı qyzmetshilermen kelisimshart jasasý tártibi 49. Áskerı qyzmette bolýdyń shekti jasyna tolǵan áskerı qyzmetshige qoldanystaǵy kelisimshart merziminiń aıaqtalýyna keminde tórt aı qalǵanda osy Nusqaýlyqqa 6-qosymshaǵa sáıkes Qazaqstan Respýblıkasynyń Ulttyq ulanynan shyǵarýǵa usynylatyny týraly habarlanady. 50. Osy Nusqaýlyqqa 7-qosymshaǵa sáıkes áskerı qyzmette bolýdyń shekti jasyna tolǵan, oqytýshylyq, ǵylymı qyzmetti júzege asyratyn jáne magıstr akademııalyq dárejesi, ǵylymı dárejeleri nemese ataqtary bar áskerı qyzmetshilerge, olardyń kelisimshart merzimin áskerı qyzmette bolýdyń shekti jasynan joǵary uzartý týraly baıanaty boıynsha Bas qolbasshynyń sheshim qabyldaýy úshin UUBQ usynylady. 51. Áskerı qyzmetshiniń baıanatyna áskerı qyzmetshini áskerı qyzmette shekti jastan tys qaldyrýdyń maqsatqa saı bolýy týraly bólim komandıriniń (ınstıtýt bastyǵynyń) negizdelgen qoldaýhaty (usynymy) qosa beriledi jáne qyzmettik kartochkasynan úzindi joldanady. 52. Áskerı qyzmetshilerdi áskerı qyzmette shekti jastan tys qaldyrý týraly qabyldanǵan sheshimderdi olarǵa áskerı bólimderdiń komandırleri (ınstıtýt bastyǵy) jeke jarııalaıdy. Áskerı qyzmetshilerdiń jeke isterindegi qyzmettik tizimderge shekti jastan tys áskerı qyzmette kimniń sheshimimen jáne qandaı merzimge qaldyrylǵany týraly jazylady. 53. Kelisimshart merzimin áskerı qyzmette bolýdyń shekti jasynan tys uzartýdan bas tartylǵan áskerı qyzmetshilerge áskerı bólim komandırleri, Áskerı ınstıtýt bastyǵy osy Nusqaýlyqqa 8-qosymshaǵa sáıkes Qazaqstan Respýblıkasynyń Ulttyq ulanynan shyǵarylatyny týraly habarlaıdy. 5. Rotasııalaý júrgizý tártibi 54. Áskerı qyzmetshilerdi rotasııalaý áskerdiń jaýyngerlik ázirligin arttyrý úshin áskerı qyzmet ótkerý sheńberinde, sondaı-aq qyzmettik qajettilik nemese áskerı qyzmetshilerdiń kásibı áleýetin anaǵurlym tıimdi paıdalanýdy qamtamasyz etý maqsatynda júzege asyrylady. 55. Rotasııalaý sharttary: bir áskerı laýazymda 5 jyldan artyq bolý; klımattyq jaǵdaıy aýyr jerlerdegi bir áskerı bólimde 3 jyldan artyq áskerı qyzmet ótkerý bolyp tabylady. 56. Rotasııalaý jospary jáne rotasııalaýǵa jatatyn áskerı qyzmetshilerdiń tizimi jyl saıyn 1 jeltoqsanǵa jasalady. 57. Mynadaı: múgedek jubaıy (zaıyby) bar; múgedek balalary (qamqorshysy bolyp tabylatyn), onyń ishinde asyrap alǵan balalary bar; asyraýynda qartaıǵan ata-analary bar; osy jyly kelisimshart merzimi aıaqtalatyn; áskerı qyzmette bolýdyń shekti jasyna tolýyna 3 jyl qalǵan; teń nemese joǵary laýazymǵa taǵaıyndaý múmkin emes áskerı qyzmetshiler rotasııalaýǵa jatpaıdy. 58. Tikeleı bastyqtarynyń qoldaýy jáne attestattaý komıssııasynyń sheshimi boıynsha Bas qolbasshy osy Nusqaýlyqtyń 56-tarmaǵynda kórsetilgen merzimge áskerı laýazymdarda bolý ýaqytyn uzartady. 59. Rotasııalaý josparyna jáne rotasııalaýǵa jatatyn áskerı qyzmetshilerdiń tizimine ózgerister jospar men tizimdi bekitken adamnyń sheshimi boıynsha engiziledi. 60. О́ńirlik qolbasshylyqta óńirlik qolbasshylyq qolbasshysynyń nomenklatýrasy boıynsha rotasııalaý jospary men tizimi jasalady jáne 5 jeltoqsanǵa deıingi merzimde UUBQ Kadr jáne áskerı bilim basqarmasyna usynylady. 61. Qazaqstan Respýblıkasy Ulttyq ulanynyń laýazymdar nomenklatýrasy boıynsha rotasııalaýǵa jatatyn óńirlik qolbasshylyqtar áskerı qyzmetshileriniń tizimi osy Nusqaýlyqqa 9-qosymshaǵa sáıkes jasalady. 62. Qazaqstan Respýblıkasy Ulttyq ulanynyń laýazymdar nomenklatýrasyna sáıkes óńirlik qolbasshylyqtardyń áskerı qyzmetshilerin rotasııalaýdyń nysany boıynsha jospary osy Nusqaýlyqqa 10-qosymshaǵa sáıkes jyldyń qorytyndysynda belgilengen nysan boıynsha 15 qańtarǵa jasalady jáne 15 shildede naqtylanady. 6. Áskerı ataqtar berý tártibi 63. Ofıserler quramynyń adamdaryna jáne sarbazdar men serjanttar quramyndaǵy kelisimshart boıynsha áskerı qyzmetshilerge, onyń ishinde qaıta attestattaý tártibimen áskerı ataqtar berý Tizbege sáıkes júrgiziledi. 64. Oń attestattalǵan, tıisti shtattyq laýazymdardy atqaratyn ofıserlerge kezekti áskerı ataqtaryn ýaqtyly berý maqsatynda usynymdar UUBQ Kadr jáne áskerı bilim basqarmasyna ofıserlerdiń ataǵyndaǵy eńbek sińirgen merziminiń aıaqtalýyna keminde bir aı qalǵanda jiberiledi. 65. Áskerı bólim komandıriniń ofıserge nemese kelisimshart boıynsha áskerı qyzmetshige jeke áńgimelesý barysynda kezekti áskerı ataǵyn berýge usynýdy keshiktirýge negiz bolǵan sebepti jarııalaýy áskerı qyzmetshiniń áńgimelesý paraǵyna qol qoıýy arqyly júrgiziledi, ol kezekti áskerı ataq berilgenge deıin jeke iste saqtalady. Qabyldanǵan sheshim men ofıserler quramynyń adamymen júrgizilgen áńgimelesý týraly UUBQ Kadr jáne áskerı bilim basqarmasyna aqparat beriledi. 66. Zapastan erikti túrde kelisimshart boıynsha nemese shaqyrý boıynsha áskerı qyzmetke aıqyndalǵan jáne laýazymǵa taǵaıyndalǵan ofıserlerdiń áskerı ataǵyndaǵy eńbek sińirgen merziminde zańnamamen belgilengen eńbek sińirgen merzimderin saqtaı otyryp, olardyń zapasta áskerı ataǵynda bolǵan ýaqyty esepteledi. 67. Ofıserler quramynyń alǵashqy áskerı ataǵyn berýge usynylǵan áskerı qyzmetshilerge Qaǵıdalardyń 89-tarmaǵynyń 3) – 5) tarmaqshalaryna sáıkes qujattar resimdeledi. 68. Aýystyrý tártibimen kelisimshart boıynsha áskerı qyzmetke qabyldanatyn quqyq qorǵaý jáne arnaıy memlekettik organdardyń qyzmetkerlerine olardyń arnaıy ataǵyna nemese synyptyq shenine teń ofıserler quramynyń áskerı ataǵy qaıta attestattaý tártibinde berilýi múmkin. Kezekti áskerı ataǵyn berý merzimin esepteý sońǵy áskerı ataǵyn alǵan kúnnen bastap esepteledi. 69. Áskerı ataǵy joq azamattarǵa «qatardaǵy» jáne keıingi áskerı ataqtar tıisti shtattyq laýazymdarǵa kelisimshart boıynsha áskerı qyzmetke kirgen, sondaı-aq joǵary áskerı oqý ornyna túsken kezde jeke quram boıynsha buıryqtarmen beriledi. 70. «Kishi serjant» áskerı ataǵy shtatta tıisti jáne odan joǵary áskerı ataq kózdelgen áskerı laýazymdarǵa taǵaıyndalǵan kezde, oqý bólimin bitirgen soń nemese atalǵan mamandyq boıynsha tıisti bilimi bolǵan jaǵdaıda bekitilgen Qazaqstan Respýblıkasy Ulttyq ulanynyń laýazymdar nomenklatýrasyna sáıkes óz bólimi komandıriniń buıryǵymen beriledi. 7. Áskerı qyzmetshilerge demalystar berý tártibi 71. Áskerı qyzmetshilerge jyl saıynǵy negizgi, otbasy jaǵdaıy boıynsha qysqa merzimdi jáne oqý demalystaryn berý kezinde demalysty ótkizý ornyna barý jáne qaıtý úshin qajetti ýaqyt demalysty ótkizý ornyna qaramastan beriledi jáne temir jol (áýe, avtomobıl, teńiz) kóliginiń qozǵalys (qaıta otyrýdy eskere otyryp) kestesi boıynsha esepteledi. 72. Temir jol qatynasy bolmaǵan jaǵdaıda demalysty ótkizý ornyna barý jáne qaıtý úshin qajetti ýaqyt demalysty ótkizý ornyna jaqyn temirjol stansııasyna deıingi qozǵalys (qaıta otyrýdy eskere otyryp), temirjol kóligi kestesi boıynsha esepteledi. Jaqyn temirjol stansııasynan demalys ótkizý ornyna jetýge qajetti ýaqyt qaıta otyrýlardy eskere otyryp, qalaaralyq avtobýstardyń (marshrýttyq taksılerdiń) qozǵalys kestesi boıynsha esepteledi. Demalysty ótkizý ornyna kóliktiń ózge de túrlerimen (jeke jáne t.b.) barǵan kezde barý jáne qaıtý ýaqyty temirjol kóliginiń qozǵalys kestesi boıynsha esepteledi. 73. Demalysty birneshe pýnktte ótkizgen jaǵdaıda áskerı qyzmetshiniń tańdaýy boıynsha qyzmet ornynan oǵan osy pýnktterdiń bireýine barý jáne qaıtý úshin ýaqyt usynylady. 74. Demalysty ótkizý ornyna barý jáne keri qaıtý úshin qajetti ýaqytty esepteý úshin rastaıtyn qujattar jol júrý qujattary (bıletter), sondaı-aq temirjol, teńiz, avıa-vokzaldar men avtobýs stansııalarynan alynǵan anyqtamalar bolyp tabylady. 75. Baıanatta kórsetilgen eldi mekende bolǵany týraly rastaıtyn qujattar jaqyn ornalasqan qorǵanys isteri jónindegi basqarmada (bólimde) esepke qoıylǵany jáne alynǵany týraly demalys bıletiniń syrtqy jaǵyna qoıylǵan belgi (mór) bolyp tabylady. Eger áskerı qyzmetshi demalysqa kelgen eldi mekende qorǵanys isteri jónindegi basqarma (bólim) bolmasa, ol jergilikti memlekettik basqarý organynda esepke turýy (esepten alynýy) múmkin. 76. Qazaqstan Respýblıkasynan tys demalysqa shyqqan kezde baıanatta kórsetilgen eldi mekende bolǵany týraly rastaıtyn qujattar Qazaqstan Respýblıkasynyń demalysty ótkizetin eldegi ókildikteriniń, onyń ishinde týrıstik, jergilikti ákimshilikterdiń mórleri, sondaı-aq pasporttaǵy belgiler bolyp tabylady. 77. Demalysty ótkizý ornyna jetý úshin qajetti ýaqyt on eki saǵattan assa, onda áskerı qyzmetshiniń demalysyna demalysty ótkizý ornyna barýy jáne keri qaıtýy úshin eki táýlik (odan kóp) qosylady. 78. Demalysty ótkizý ornyna jetý úshin qajetti ýaqyt on eki saǵatqa jetpese, onda áskerı qyzmetshiniń demalysyna demalysty ótkizý ornyna barýy jáne keri qaıtýy úshin bir táýlik qosylady. 79. Jyl saıynǵy negizgi demalysty týrıstik joldamalar boıynsha ótkizgen jaǵdaıda jol júrý úshin ýaqyt qyzmet ornynan bastapqy pýnktke deıin jáne keri – týrıstik baǵyttyń sońǵy pýnktinen qyzmet ornyna deıin usynylady. 80. Júktiligi jáne bala týýyna baılanysty demalysqa shyǵar aldynda nemese odan keıin, bolmasa bala kútimi boıynsha berilgen demalysy aıaqtalǵan soń áskerı qyzmetshi – áıelge eger buǵan deıin paıdalanbasa, onyń nıeti boıynsha tolyq tólenetin jyl saıynǵy demalysy usynylady. 81. Otbasy jaǵdaıy boıynsha qysqa merzimdi demalys jyl saıynǵy negizgi demalysty paıdalanýyna qaramastan usynylady. 82. Qyzmettik qajettilik boıynsha áskerı qyzmetshi demalysty berý quqyǵy berilgen ýákiletti laýazymdy adamnyń saptyq bólim boıynsha buıryǵymen jyl saıynǵy negizgi demalystan keıin shaqyrtylady. 8. Áskerı qyzmetten shyǵarý tártibi 86. Kelisimshart boıynsha áskerı qyzmetshilerdi teris sebepter boıynsha shyǵarý týraly sheshim qabyldaý mindetti túrde attestattaý komıssııasynyń qaraýynan keıin júrgiziledi. 84. Ýákiletti organnyń bastamasy boıynsha júkti áıeldermen, úsh jasqa deıingi balasy bar áıeldermen, on tórt jasqa deıingi balasy (on segiz jasqa deıingi múgedek balasy) bar jalǵyzbasty analarmen, atalǵan sanattaǵy balalardy anasyz tárbıeleıtin ózge de adamdarmen shtattardy qysqartý (uıymdastyrý-shtattyq is-sharalar) boıynsha kelisimshartty buzýǵa jol berilmeıdi. 85. Áskerı qyzmetten shyǵarýǵa usyný aldynda olardyń qyzmet ótkerýi týraly derekter naqtylanady, qajet bolǵan jaǵdaıda olardyń qyzmet ótkergen kezeńderi kúntizbelik eseppen eńbek sińirgen jyldaryna jáne jeńildik jaǵdaıynda jeke eseptelýi qujattamamen rastalady, zańnamaǵa sáıkes zeınetkerlikke eńbek sińirgen jyldary esepteledi. Eseptelgen eńbek sińirgen jyldary áskerı qyzmetshige jetkiziledi. 86. Kelisimshart boıynsha qyzmet merzimi aıaqtalǵan jáne emdelýdegi áskerı qyzmetshilerdiń kelisimshart merziminiń aıaqtalý kúni Qazaqstan Respýblıkasy Úkimetiniń 2007 jylǵy 4 jeltoqsandaǵy № 1171 qaýlysymen bekitilgen «Eki aıdan astam eńbekke ýaqytsha jaramsyzdyq merzimi belgilenýi múmkin aýrý túrleriniń tizbesine» sáıkes emdelýde bolǵan kezeńine uzartylady. 87. Shyǵarýǵa arnalǵan usynymda oń attestattalǵan áskerı qyzmetshini kótermeleý sharalary týraly usynystar kórsetiledi. 88. Kelisimshart qoldanysynyń toqtatylýy týraly barlyq danalardaǵy jazbalar jeke quram boıynsha buıryqtaǵy tujyrymǵa sáıkes júrgiziledi. 89. Barlyq qujattar Qazaqstan Respýblıkasy Ulttyq ulanynyń Bas qolbasshylyǵyna bir danada, memlekettik jáne orys tilderinde, jeke isteri Kadr jáne áskerı bilim basqarmasynda saqtalatyn ofıserlerge 2 danada (olardy jeke iske tigý úshin) usynylady. 90. Ofıserlerdi shyǵarý kezinde qujattar bir danada (nomenklatýralyq iske tigý úshin) usynylady. 91. Jeke isteri Kadr jáne áskerı bilim basqarmasynda saqtalatyn ofıserlerge kezekti áskerı ataq berýge usyný kezinde 1 dana 9h12 (jeke iske), 1 dana 3h4 fotosýreti (qysqartylǵan qyzmettik kartochkasyna) qosymsha jiberiledi. 92. Ofıserdiń nemese sarbazdar men serjanttar quramy laýazymdaryndaǵy kelisimshart boıynsha áskerı qyzmetshiniń áskerı qyzmet ótkerýine qatysty jáne jeke quram boıynsha buıryqpen bekitilgen árbir tarmaqqa tıisti attestattaý materıaldary resimdeledi, olar nomenklatýralyq isterge, al olardyń kóshirmeleri – áskerı qyzmetshilerdiń jeke isterine tigilýi tıis. Qazaqstan Respýblıkasynyń Ulttyq ulanynda áskerı qyzmet ótkerý nusqaýlyǵyna 1-qosymsha Kelisimshart boıynsha áskerı qyzmet ótkerýge nıet bildirgen adamdar usynatyn qujattar tizbesi: kelisimshart boıynsha áskerı qyzmetke kirý nıeti týraly jeke ótinish (baıanat); belgilengen úlgidegi blankilerde toltyrylǵan saýalnama derekteri; óz qolymen jazylǵan ómirbaıan; Qazaqstan Respýblıkasynyń azamaty jeke kýáliginiń (pasportynyń) túpnusqasy jáne kóshirmesi; bilimi týraly qujattyń kóshirmesi (salystyrý úshin túpnusqasyn usynbaǵan jaǵdaıda notarıaldy rastalǵan); bar bolǵan kezde eńbek kitapshasynyń kóshirmesi; sońǵy qyzmet (jumys nemese oqý) ornynan minezdeme; sottalmaǵany týraly anyqtama; salyq organynyń tabysy týraly deklarasııany qabyldaǵany týraly anyqtama. Qazaqstan Respýblıkasynyń Ulttyq ulanynda áskerı qyzmet ótkerý nusqaýlyǵyna 2-qosymsha Nysan Kimge_________________________________ áskerı bólim (mekeme) _______________________________________ komandırine (bastyǵyna) Baıanat (О́tinish) «Áskerı qyzmet jáne áskerı qyzmetshilerdiń mártebesi týraly» Qazaqstan Respýblıkasy Zańynyń 6-taraýyna sáıkes Sizden meni Qazaqstan Respýblıkasynyń Ulttyq ulanyna kelisimshart boıynsha áskerı qyzmetke qabyldaýyńyzdy jáne ______ jyl merzimge kelisimshart boıynsha áskerı qyzmet ótkerý úshin __________________ laýazymyna taǵaıyndaı otyryp, ________________ áskerı bólimine (mekemege) jiberýińizdi suraımyn. О́zim týraly mynany habarlaımyn: T.A.Á.____________________________________________________ Týǵan kúni, aıy jáne jyly, turǵylyqty jeri _________________ ____________________________________________________________ Bilimi ______________________________________________ (qashan jáne qandaı oqý ornyn aıaqtaǵan) Mamandyǵy ___________________________________________ __________________________________________________________ (QK-gi qyzmet, ótkerý kezeńi jáne shyǵý sebebi) _________________________________________________ (áskerı ataǵy, qoly, T.A.Á.) ___________________ ______________________ (kúni) (qoly, tegi jáne aty-jóni) Qazaqstan Respýblıkasynyń Ulttyq ulanynda áskerı qyzmet ótkerý nusqaýlyǵyna 3-qosymsha Nysan BEKITEMIN _____________________________________________________ (á/b komandıriniń laýazymy, ataǵy, aty-jóni, tegi jáne qoly) _____________________________________________________ _____________________________________________________ _____________________________________________________ 20__ jylǵy «___»_________ Áskerı qyzmetke qabyldaý týraly qorytyndy ____________________________________________________________ (kandıdattyń tegi, aty, ákesiniń aty tabys septiginde) ____________________________________________________________ 1. Kandıdatty aldyn-ala zerdeleý nátıjeleri týraly anyqtama ___________________________________________________________________ Turǵylyqty jeri, oqý nemese jumys orny boıynsha qalaı minezdeledi ___________________________________________________________________ (onyń biliminiń, iskerlik jeke jáne moraldyq qabiletiniń usynylatyn laýazymǵa sáıkestigi) _____________________________________________________________________________ _____________________________________________________________________________ _____________________________________________________________________________ Kandıdat qabyldanýy tıis qyzmettiń (bastyǵy) komandıri ____________________________________________________________________________ (bólinis komandıri (bastyǵy), áskerı ataǵy ) ____________________________________________________________________________ ____________________________________________________________________________ Qoly Aty-jóni, tegi 20___ jylǵy «___»__________ 2. Arnaıy tekseris nátıjeleri _______________________________ ____________________________________________________________________________ ____________________________________________________________________________ Bólimniń ShB k/s jónindegi AK, zerdelegennen jáne arnaıy tekseris is-sharalaryn ótkizgennen keıin ____________________________________________________________________________ ____________________________________________________________________________ ____________________________________________________________________________ ____________________________________________________________________________ _____________________ ___________ _____________________ (laýazymy, arnaıy ataǵy) (qoly) (aty-jóni, tegi) 20___ jylǵy «___»__________ 3. Kandıdattyń Ulttyq ulanǵa áskerı qyzmetke jaramdylyǵy týraly áskerı-dárigerlik komıssııanyń qorytyndysy ____________________________________________________________________________ ____________________________________________________________________________ ____________________________________________________________________________ ____________________________________________________________________________ Kandıdatty psıhofızıologııalyq zertteý nátıjeleri _______________________________ _____________________________________________________________________________ Áskerı bólim nemese quramanyń ofıser-psıhology toltyrady _____________________________________________________________________________ (nemese ÁDK anyqtamasynan alynady, eger AFE bolsa – á/b medısınalyq qyzmetiniń bastyǵy toltyrady) ____________________________________________________________________________ ____________________________________________________________________________ ____________________________________________________________________________ ____________________________________________________________________________ Medısınalyq qyzmettiń bastyǵy ___________________________ _________ ___________________________ (laýazymy, arnaıy ataǵy) (qoly ) (aty-jóni, tegi) 20___ jylǵy «___»__________ 4. Kandıdatty zerd